چودھری شجاعت حسین اور پرویزالٰہی کو عمران خان کا ٹیلیفون

لاہور ریلی میں شرکت کی دعوت، سینئر پارٹی رہنما بھی ملاقات کریں گے

لاہور(28اگست2016) پاکستان مسلم لیگ کے صدر و سابق وزیراعظم چودھری شجاعت حسین اور سینئرمرکزی رہنما و سابق نائب وزیراعظم چودھری پرویزالٰہی سے پاکستان تحریک انصاف کے چیئرمین عمران خان نے اتوار کو یہاں ٹیلیفون کیا اور ملکی سیاسی صورتحال پر تبادلہ خیال کیا۔ عمران خان نے 3 ستمبر کی لاہور ریلی میں شرکت کی دعوت دی۔ اس سلسلہ میں پاکستان مسلم لیگ کے قائدین سے تحریک انصاف کے سینئر رہنما جہانگیر خان ترین ایم این اے اور عبدالعلیم خان بھی ایک دو روز میں ملاقات کریں گے۔

urdu-download

Share