Saturday , December 10 2022
Home / Featured / پی ٹی آئی پنجاب کے سابق عہدیدار اور امیدوار قومی اسمبلی ڈاکٹر زین بھٹی پاکستان مسلم لیگ میں شامل

پی ٹی آئی پنجاب کے سابق عہدیدار اور امیدوار قومی اسمبلی ڈاکٹر زین بھٹی پاکستان مسلم لیگ میں شامل

ہسپتالوں میں فرشوں اور دروازوں پر ہلاکتوں کے ذمہ دار نام نہاد خادمِ اعلیٰ ہیں، صحت، تعلیم سمیت ہر شعبہ برباد کر دیا: چودھری پرویزالٰہی

لاہور(03جنوری2017) پاکستان مسلم لیگ کے سینئرمرکزی رہنما و سابق نائب وزیراعظم چودھری پرویزالٰہی سے پاکستان تحریک انصاف کے سابق جوائنٹ سیکرٹری پنجاب و گوجرانوالہ سے قومی اسمبلی کے حلقہ این اے 97 کے ٹکٹ ہولڈر ڈاکٹر زین علی بھٹی نے ملاقات کی اور دیگر رہنماؤں و ساتھیوں سمیت پاکستان مسلم لیگ میں شمولیت کا اعلان کیا۔ اس موقع پر طارق بشیر چیمہ مرکزی سیکرٹری جنرل، چودھری ظہیر الدین، محمد بشارت راجہ، ڈاکٹر عظیم الدین لکھوی، ذوالفقار پپن اور انعام الحق بھی موجود تھے۔ چودھری شجاعت حسین اور چودھری پرویزالٰہی کی قیادت پر اظہار اعتماد کرنے والے رہنماؤں میں حیدر علی بھٹی، چودھری زاہد حسین بھٹی، حاجی ارشد مغل، خرم شہزاد، حاجی نصرت اللہ چیمہ، غلام عباس بھٹی، لالہ محمد شریف اور محسن ارشد بھی شامل ہیں۔ چودھری پرویزالٰہی نے ان کے فیصلہ کا خیرمقدم کرتے ہوئے کہا کہ نوجوانوں کی شمولیت سے پارٹی کو تقویت ملتی ہے۔ انہوں نے کہا کہ نام نہاد خادمِ اعلیٰ اپنی نااہلی کے باعث مکمل طور پر ناکام ہو چکے ہیں، وہی ہسپتالوں کے فرشوں اور دروازوں پر ہلاکتوں کے ذمہ دار ہیں، ہمارے بعد صوبہ میں صحت، تعلیم، امن و امان سمیت ہر شعبہ کی حالت ابتر ہے، باالخصوص سرکاری ہسپتالوں کا نہایت برا حال ہے، ان کے وزیراعظم بھائی نئے ہسپتال بنانے کا اعلان کر چکے ہیں جبکہ پرانے ہسپتال ان کے کنٹرول میں نہیں، میرے دور میں غریب اور عام آدمی کو حاصل صحت کی مکمل طور پر سہولیات ختم ہو چکی ہیں، کمیشن بنانے اور تمام محکموں کے فنڈز اورنج لائن اور جنگلہ بس پر لگانے کی وجہ سے صحت کا ہر شعبہ مکمل طور پر تباہی کا شکار ہے یہی وجہ ہے کہ ہسپتالوں میں ادویات ہیں اور نہ مریضوں کو بیڈ ملتے ہیں۔

photo-cpe-01-jan03-17

urdu-download

Check Also

CM Chaudhry Parvez Elahi addresses a ceremony on anti-corruption day at Alhamra

Lahore, December 09: Chief Minister Punjab Chaudhry Parvez Elahi said that the Sharif family including …

Leave a Reply

Your email address will not be published.