Wednesday , May 18 2022
Breaking News
Home / Featured / شہبازشریف نے پنجاب کے عوام سے ہمارے دور میں دی گئی سہولتیں بھی چھین لیں: چودھری پرویزالٰہی

شہبازشریف نے پنجاب کے عوام سے ہمارے دور میں دی گئی سہولتیں بھی چھین لیں: چودھری پرویزالٰہی

عوام پاکستان مسلم لیگ کو ووٹ دے کر نااہل و بددیانت حکمرانوں کو سرپرائز دیں گے، ضلع ساہیوال کے سردار خالد محمود ڈوگر و دیگر شخصیات کی شمولیت پر گفتگو

لاہور(05اپریل2018) پاکستان مسلم لیگ کے سینئرمرکزی رہنما و سابق نائب وزیراعظم چودھری پرویزالٰہی نے کہا ہے کہ شہبازشریف نے پنجاب کے عوام کو مصائب و مشکلات اور احساس محرومی کے سوا کچھ نہیں دیا، انشاء اللہ آئندہ الیکشن میں پاکستان مسلم لیگ سرپرائز دے گی جس کی عوامی خدمات کے منصوبے آج بھی جاری ہیں اور عوام ان سے بھرپور فائدہ اٹھا رہی ہے۔ وہ ضلع ساہیوال کی معروف سیاسی شخصیت حافظ سردار خالد محمود ڈوگر کی دیگر شخصیات اور ساتھیوں کے ہمراہ پاکستان مسلم لیگ میں شمولیت کے موقع پر گفتگو کر رہے تھے۔ اس موقع پر ملک حق نواز سنگلہ، ذوالفقار پپن، چودھری ذیشان سندھو، چودھری عرفان احسان، شیخ عمر، چودھری موسیٰ، قاضی احسان الحق بھی موجود تھے۔ چودھری پرویزالٰہی نے کہا کہ ن لیگ نے ہمیشہ عوام کو دھوکہ دیا ہے، شہبازشریف نے پنجاب کی عوام کو کچھ نہیں دیا بلکہ غریب اور عام آدمی کو ہمارے دور میں دی گئی سہولتیں بھی چھین لیں، پورے پنجاب کا پیسہ لاہور میں نمائشی منصوبوں پر خرچ کر دیا گیا، ہسپتالوں و تعلیمی اداروں سمیت ہر شعبہ میں برا حال ہے، اس بار عوام ان کے جھانسے میں نہیں آئے گی، شریف خاندان کی کرپشن اور کمیشن کی داستانیں زبان زد عام، آئندہ الیکشن میں پاکستان مسلم لیگ کو جوق در جوق ووٹ دے کر ان نااہل، بددیانت اور جھوٹے حکمرانوں کو سرپرائز دیں گے۔

Check Also

Shahbaz Sharif and Hamza Shahbaz violated the sanctity of the House in which exaltation of religion took place and Tahaffuz-e-Khatm-e-Nubawwat (ﷺ) was guarded: Ch Parvez Elahi

Their disgusting face has been exposed in front of the nation, violation of the sanctity …

Leave a Reply

Your email address will not be published.