سپیکر پنجاب اسمبلی چودھری پرویزالٰہی سے ایرانی قونصل جنرل علی رضا ناظری کی ملاقات

دونوں اسلامی ممالک مذہب اور ثقافت کے مضبوط بندھن میں بندھے ہیں: چودھری پرویزالٰہی

لاہور(27اکتوبر2018) سپیکر پنجاب اسمبلی چودھری پرویزالٰہی سے ایرانی قونصل جنرل علی رضا ناظری نے یہاں ان کی رہائش گاہ پر اپنے معاونین کے ہمراہ ملاقات کی اور مختلف امور پر تبادلہ خیال کیا گیا۔ ملاقات میں سابق صوبائی وزیر تعلیم میاں عمران مسعود، ایرانی قونصل خانے کے کمرشل اتاشی علی اصغر یخدلیہ اور فرسٹ قونصلر محمود طلائی بھی موجود تھے۔ سپیکر چودھری پرویزالٰہی کا کہنا تھا کہ دونوں ہمسایہ اسلامی ممالک مذہب اور ثقافت کے مضبوط بندھن میں بندھے ہوئے ہیں۔