Thursday , July 7 2022
Breaking News
Home / Featured / جنگ فوجیں نہیں قومیں لڑتی ہیں، فوجوں کا موازنہ کرنے والے شرم کریں: چودھری شجاعت حسین

جنگ فوجیں نہیں قومیں لڑتی ہیں، فوجوں کا موازنہ کرنے والے شرم کریں: چودھری شجاعت حسین

بے شک بھارتی فوج پاکستانی فوج سے بہت زیادہ ہے لیکن ہماری فوج اور قوم کا جذبہ اور قربانی دینے کی تمنا سب پر حاوی ہے

روس اور چین اس معاملہ کے حل میں اپنا کردار ادا کریں تاکہ مزید تباہی نہ ہو: میڈیا سے گفتگو

لاہور(27فروری2019) پاکستان مسلم لیگ کے صدر و سابق وزیراعظم چودھری شجاعت حسین نے میڈیا کے مختلف سوالات کے جواب میں کہا ہے کہ ان لوگوں کو شرم آنی چاہئے جو پاکستان اور بھارت کی فوجوں کا موازنہ کر کے قوم کا مورال ڈاؤن کرنے کی کوشش کر رہے ہیں، انہیں پتہ ہونا چاہئے کہ جنگ فوجیں نہیں بلکہ قومیں لڑتی ہیں۔ انہوں نے کہا کہ بے شک بھارت کی فوج پاکستان کی فوج سے بہت زیادہ ہے لیکن ہماری فوج اور قوم کا جذبہ اور قربانی دینے کی تمنا سب پر حاوی ہے، بھارت کئی قوموں میں بٹا ہوا ہے انہوں نے متحد ہو کر کیا لڑنا ہے وہ تو ایک دوسرے کو اچھوت سمجھ کر ہاتھ لگانے سے بھی خوف کھاتے ہیں اس کے مقابلہ میں ہماری قوم اور فوج متحد ہے اور ہمارا نظریہ صرف اور صرف پاکستان ہے۔ میڈیا کے ایک سوال پر کہ کیا وہ امریکہ اور اقوام متحدہ کو اس مسئلے کے حل میں اپنا کردار ادا کرنے کو کہیں گے؟ چودھری شجاعت حسین نے کہا کہ ان کو تو ہم پہلے بھی آزما چکے ہیں، اب روس اور چین کو چاہئے کہ وہ اس معاملے کے حل میں اپنا کردار ادا کریں تاکہ مزید تباہی نہ ہو کیونکہ جنگیں مسئلوں کا حل نہیں ہوتیں۔

Check Also

Hamza Shahbaz breaks his promise which he made in front of the Supreme Court, sensing the defeat, the Punjab govt diverted resources to the by-polls: Ch Parvez Elahi

The Supreme Court should take notice of the interference of the Punjab government in the …

Leave a Reply

Your email address will not be published.