Wednesday , May 18 2022
Breaking News
Home / Featured / ہر پاکستانی کشمیری بھائیوں کے ساتھ کھڑا ہے: چودھری شجاعت حسین، پرویزالٰہی، مونس الٰہی

ہر پاکستانی کشمیری بھائیوں کے ساتھ کھڑا ہے: چودھری شجاعت حسین، پرویزالٰہی، مونس الٰہی

عالمی برادری کشمیریوں سے اپنا وعدہ پورا کرے، کشمیریوں کی عظیم قربانیوں سے تحریک پاکستان کا ایجنڈا جلد مکمل ہو گا: یوم یکجہتی کشمیر پر پیغامات

لاہور(04فروری2020) عالمی برادری کو چاہئے کہ وہ کشمیریوں سے کئے گئے حق خودارادیت دلانے کے وعدہ کو پورا کرے اور اس مسئلہ کو اقوام متحدہ کی قراردادوں کے مطابق حل کرانے کی ذمہ داری پورے کرے۔ اس امر کا اظہار پاکستان مسلم لیگ کے صدر و سابق وزیراعظم چودھری شجاعت حسین، سپیکر پنجاب اسمبلی چودھری پرویزالٰہی اور مونس الٰہی ایم این اے نے یوم یکجہتی کشمیر پر اپنے پیغامات میں کیا۔ انہوں نے کہا کہ آج ہر پاکستانی اپنے کشمیری بھائیوں کے ساتھ کھڑا ہے اور ان کیلئے ہر قربانی دینے کو تیار ہے، مقبوضہ کشمیر کے عوام جس طرح بھارتی جبر و ستم کا ڈٹ کر مقابلہ کر رہے ہیں اور 6 ماہ سے مقبوضہ ریاست کو جیل میں تبدیل کرنے کے باوجود ان کا جذبہ حریت کم نہیں ہوا، اس سے ثابت ہوتا ہے کہ قیام پاکستان کے ایجنڈا کی تکمیل کیلئے کشمیریوں کی قربانیاں بہت جلد رنگ لا کر رہیں گی۔ انہوں نے کہا کہ بھارتی چنگل سے نجات حاصل کرنے کیلئے کشمیری عوام، باالخصوص نوجوان جو قربانیاں دے رہے ہیں وہ حریت پرستوں کی تاریخ میں سنہرے حروف میں لکھی جائیں گی۔ مقبوضہ کشمیر کو بھارتی مظالم سے نجات دلانے کیلئے تمام سیاسی جماعتیں، مسلح افواج اور پوری قوم ایک پیج پر ہیں، پاکستان کی جانب سے مکمل اور بھرپور سیاسی اور اخلاقی امداد کے باعث مظلوم کشمیریوں کے حوصلے بلند ہیں اور ان کا جذبہ آزادی دن بدن زور پکڑ رہا ہے۔

Check Also

Shahbaz Sharif and Hamza Shahbaz violated the sanctity of the House in which exaltation of religion took place and Tahaffuz-e-Khatm-e-Nubawwat (ﷺ) was guarded: Ch Parvez Elahi

Their disgusting face has been exposed in front of the nation, violation of the sanctity …

Leave a Reply

Your email address will not be published.