Saturday , December 10 2022
Home / Featured / کورونا کی وجہ سے معاشی صورتحال کے پیش نظر پنجاب اسمبلی کے سالانہ بجٹ میں 31 کروڑ روپے کی کمی کر دی گئی ہے: سپیکر چودھری پرویزالٰہی

کورونا کی وجہ سے معاشی صورتحال کے پیش نظر پنجاب اسمبلی کے سالانہ بجٹ میں 31 کروڑ روپے کی کمی کر دی گئی ہے: سپیکر چودھری پرویزالٰہی

چودھری پرویزالٰہی کے پنجاب اسمبلی کے بجٹ میں کمی کے جذبہ حب الوطنی کو صوبائی وزیر خزانہ اور سیکرٹری خزانہ کا خراج تحسین

کورونا کے خلاف جہاد میں ارکان اسمبلی اور اسمبلی سٹاف کی طرف سے وزیر اعلیٰ فنڈ کیلئے 3کروڑ روپے دینے پر ان کا شکریہ ادا کرتا ہوں: چودھری پرویزالٰہی

لاہور(20اپریل2020) پنجاب اسمبلی کی فنانس کمیٹی کا اجلاس سپیکر چودھری پرویزالٰہی کی زیر صدارت اسمبلی کے کمیٹی روم اے میں منعقد ہوا جس میں صوبائی وزیر خزانہ مخدوم ہاشم جواں بخت، فنانس کمیٹی کے ممبران رائے یاور کمال خان، شجاعت نواز، میاں طارق عبداللہ، کاشف محمود، میاں شفیع محمداور رئیس نبیل احمد نے شرکت کی۔ سیکرٹری پنجاب اسمبلی محمد خان بھٹی نے مالی سال 2019-20 کے نظر ثانی شدہ تخمینہ جات پیش کیے۔ سپیکر نے کمیٹی کو بتایا کہ پنجاب اسمبلی نےکورونا سے پیدا ہونے والی ملکی معاشی صورتحال کے پیش نظر پنجاب اسمبلی کے سالانہ بجٹ میں 31کروڑ روپے کی کمی کر دی گئی ہے۔ صوبائی وزیر خزانہ مخدوم ہاشم جواں بخت اور سیکرٹری خزانہ محمد عبداللہ خان سنبل نے چودھری پرویزالٰہی کے پنجاب اسمبلی کے بجٹ میں کمی کے جذبہ حب الوطنی کو خراج تحسین پیش کیا۔ اس موقع پر چودھری پرویزالٰہی نے کورونا کے خلاف جہاد میں ارکان اسمبلی اور اسمبلی سٹاف کی طرف سے وزیر اعلیٰ فنڈ کیلئے 3کروڑ روپے دینے پر ان کا شکریہ ادا کیا۔ بعد ازاں سیکرٹری پنجاب اسمبلی محمد خان بھٹی نے مالی سال 2020-21 کا 2 ارب 63 کروڑ 90 لاکھ 57 ہزار روپے کابجٹ پیش کیا جسے فنانس کمیٹی نے متفقہ طور پر منظور کر لیا۔ فنانس ڈیپارٹمنٹ کی طرف سے سیکرٹری فنانس محمد عبداللہ خان سنبل نے شرکت کی۔

Check Also

CM Chaudhry Parvez Elahi addresses a ceremony on anti-corruption day at Alhamra

Lahore, December 09: Chief Minister Punjab Chaudhry Parvez Elahi said that the Sharif family including …

Leave a Reply

Your email address will not be published.