چکوال، لاوہ، کلر کہار، تلہ گنگ اور خوشاب کو آفت زدہ قرار دیا جائے: چودھری پرویزالٰہی

بارشوں کا 75 سال ریکارڈ ٹوٹ گیا، بڑے پیمانے پر تباہی ہوئی، نقصانات کا ازالہ کیا جائے

لاہور(07ستمبر2020) سپیکر پنجاب اسمبلی چودھری پرویزالٰہی نے کہا ہے کہ حالیہ بارشوں اور سیلاب سے تلہ گنگ، لاوہ، چکوال، کلر کہار اور خوشاب کے علاقے بڑے پیمانے پر متاثر ہوئے ہیں، بارشوں کا 75 سالہ ریکارڈ ٹوٹ گیا، ضلع چکوال، تلہ گنگ، لاوہ، کلر کہار اور خوشاب میں تمام فصلیں تباہ ہو چکی ہیں، ڈیمز ٹوٹ گئے، راستے منقطع ہیں، سکول گر گئے، لوگوں کے کاروبار ختم ہو گئے۔ انہوں نے کہا کہ ان علاقوں کو آفت زدہ قرار دیا جائے اور یہاں ہونے والے نقصانات کا ازالہ کیا جائے۔