Wednesday , October 5 2022
Home / Featured / سیالکوٹ واقعہ غیراسلامی و غیر انسانی فعل ہے: چودھری پرویزالٰہی

سیالکوٹ واقعہ غیراسلامی و غیر انسانی فعل ہے: چودھری پرویزالٰہی

ختم نبوتﷺ کے حوالے سے تیار کردہ قرآنی آیت اور حدیث کا فریم تمام سرکاری دفاتر میں نمایاں طور پر لگایا جائے گا: ملاقات میں گفتگو

تمام مکاتب فکر کے علماء کی جانب سے منظور کیا جانے والا قرآن پاک کا ترجمہ سکولوں میں پڑھایا جائے گا، قرارداد مقاصد کے بعد یہ دوسرا بڑا کارنامہ ہے: قاری حنیف جالندھری

لاہور(04دسمبر2021) قائم مقام گورنر پنجاب چودھری پرویزالٰہی سے وفاق المدارس العربیہ کے سیکرٹری جنرل قاری حنیف جالندھری نے یہاں ان کی رہائش گاہ پر ملاقات کی۔ اس موقع پر صوبائی وزیر معدنیات حافظ عمار یاسر، راسخ الٰہی، ڈاکٹر اے آر خالد، ڈاکٹر راشد سراج بھی موجود تھے۔ چودھری پرویزالٰہی نے سیالکوٹ واقعہ پر افسوس کا اظہار کرتے ہوئے کہا کہ یہ واقعہ غیراسلامی و غیر انسانی ہے۔ انہوں نے کہا کہ ہمیں سری لنکا کی حکومت اور مقتول کی فیملی کے ساتھ دلی ہمدردی ہے، اس واقعہ کی انکوائری مکمل کر کے جلد از جلد ملزموں کو قرار واقعی سزا دی جائے۔ چودھری پرویزالٰہی نے قاری حنیف جالندھری کو ختم نبوتﷺ کے حوالے سے تیار کردہ قرآنی آیت اور حدیث کا فریم دیا جس کو تمام سرکاری دفاتر میں نمایاں طور پر لگایا جائے گا۔ قاری حنیف جالندھری نے چودھری پرویزالٰہی کو پاکستان میں تمام مکاتب فکر کے علما کا متفقہ منظور کیا جانے والا قرآن مجید کا ترجمہ پیش کیا۔ انہوں نے کہا کہ قرارداد مقاصد کے بعد یہ دوسرا بڑا کارنامہ ہے جس پر تمام مسالک متفق ہیں، قرآن مجید کا یہی ترجمہ پنجاب ٹیکسٹ بک بورڈ کے ذریعے سکولوں میں پڑھانے کیلئے دیا جائے گا۔

Check Also

Women parliamentarians call on CM Ch Parvez Elahi

Lahore, October 04: Chief Minister Punjab Chaudhry Parvez Elahi has said the political role of …

Leave a Reply

Your email address will not be published.