Wednesday , October 5 2022
Home / Featured / سیالکوٹ واقعہ اسلام اور آئین پاکستان کے منافی اور پاکستان کو بدنام کرنے کی ناکام کوشش ہے: چودھری پرویزالٰہی

سیالکوٹ واقعہ اسلام اور آئین پاکستان کے منافی اور پاکستان کو بدنام کرنے کی ناکام کوشش ہے: چودھری پرویزالٰہی

قائم مقام گورنر پنجاب سے ڈاکٹر حافظ عبدالرحمن مدنی، میاں محمد احسن، انوار احمد خان، ڈاکٹر حافظ حمزہ مدنی اور ڈاکٹر انصار مدنی کی گورنر ہاؤس میں ملاقات، راسخ الٰہی بھی موجود تھے

لاہور(09دسمبر2021) قائم مقام گورنر پنجاب چودھری پرویزالٰہی سے ڈاکٹر حافظ عبدالرحمن مدنی، میاں محمد احسن، انوار احمد خان، ڈاکٹر حافظ حمزہ مدنی اور ڈاکٹر انصار مدنی نے یہاں گورنر ہاؤس میں ملاقات کی۔ اس موقع پر راسخ الٰہی بھی موجود تھے۔ چودھری پرویزالٰہی نے تمام رہنماؤں کو ختم نبوتﷺ کے حوالے سے تیار کردہ قرآنی آیت اور حدیث مبارکہ کا نمونہ دیا جس کو تمام سرکاری دفاتر سمیت گورنر ہاؤس میں بھی نمایاں طور پر آویزاں کر دیا گیا ہے۔ چودھری پرویزالٰہی نے گفتگو کرتے ہوئے کہا کہ سیالکوٹ واقعہ اسلام اور آئین پاکستان کے منافی ہے، یہ واقعہ پاکستان کو بدنام کرنے کی ناکام کوشش ہے، ذمہ دار افراد کو سخت ترین سزا دی جائے۔ ڈاکٹر حافظ عبدالرحمن مدنی نے کہا کہ نکاح نامے میں ختم نبوت کا حلف شامل کروانا، اسمبلی بلڈنگ میں ختم نبوت کے حوالے سے قرآنی آیات و احادیث کو مزین کرنا اور قرآنی تعلیم کو نصاب میں شامل کرنا آپ کا بہت بڑا کارنامہ ہے۔ انہوں نے کہاکہ تمام مکاتب فکر کے علمائے کرام آپ اور آپ کے خاندان کو قدر کی نگاہ سے دیکھتے ہیں۔

Check Also

Women parliamentarians call on CM Ch Parvez Elahi

Lahore, October 04: Chief Minister Punjab Chaudhry Parvez Elahi has said the political role of …

Leave a Reply

Your email address will not be published.