میں عمران خان کا امیدوار ہوں، انشاء اللہ حلف لینے کے بعد اگر عمران خان مجھے کہیں گے تو آدھے گھنٹے میں اسمبلیاں توڑ دوں گا: چودھری پرویزالٰہی

الیکشن کمیشن کو مبارکباد پیش کرتا ہوں کہ ان کے آج کے فیصلے سے حق اور سچ کی فتح ہوئی ہے

لاہور(20مئی2022) سپیکر پنجاب اسمبلی چودھری پرویزالٰہی نے الیکشن کمیشن کے 25 ارکان پنجاب اسمبلی کو ڈی سیٹ کرنے کے فیصلے پر اپنے ردعمل میں کہا ہے کہ آج کے فیصلے سے بہت خوشی ہوئی ہے، میں الیکشن کمیشن کو مبارکباد پیش کرتا ہوں کہ آج کے فیصلے سے حق اور سچ کی فتح ہوئی ہے۔ چودھری پرویزالٰہی نے کہا کہ میں عمران خان کا امیدوار ہوں، انشاء اللہ حلف لینے کے بعد اگر عمران خان مجھے کہیں گے تو آدھے گھنٹے میں اسمبلیاں توڑ دوں گا۔