Wednesday , October 5 2022
Home / Featured / پٹرول اور ڈیزل کی شکل میں عوام پر ایک نہیں دو بم گرائے گئے، پہلے مہنگائی کیا کم تھی کہ اب ٹرانسپورٹ کی وجہ سے مہنگائی میں 50 فیصد سے زائد اضافہ ہو گیا ہے: چودھری پرویزالٰہی

پٹرول اور ڈیزل کی شکل میں عوام پر ایک نہیں دو بم گرائے گئے، پہلے مہنگائی کیا کم تھی کہ اب ٹرانسپورٹ کی وجہ سے مہنگائی میں 50 فیصد سے زائد اضافہ ہو گیا ہے: چودھری پرویزالٰہی

عمران خان نے لانگ مارچ ختم نہیں کیا صرف 6 روز کیلئے حکومت کو مہلت دی ہے، اعلیٰ عدلیہ کے حکم کے مطابق گرفتار کارکنوں کو فوری رہا کیا جائے

عمران خان نے سستے تیل کی ڈیل مکمل کر لی تھی جعلی حکمران روس سے سستا تیل کیوں نہیں لیتے

لاہور(27مئی2022) سپیکر پنجاب اسمبلی چودھری پرویزالٰہی نے پٹرولیم مصنوعات کی قیمتوں میں ہوشربا اضافہ پر تشویش کا اظہار کرتے ہوئے کہا ہے کہ پٹرول اور ڈیزل کی قیمتوں میں اضافہ کر کے حکومت نے عوام پر ایک نہیں دو بم گرائے ہیں، پہلے مہنگائی کیا کم تھی کہ اب ٹرانسپورٹ کی وجہ سے مہنگائی میں 50 فیصد سے زائد اضافہ ہو گیا ہے۔ چودھری پرویزالٰہی نے کہا کہ عمران خان نے دورہ روس کے دوران پاکستان کو سستے تیل کی فراہمی کیلئے روس سے ڈیل مکمل کر لی تھی، اب جعلی حکمران روس سے سستا تیل کیوں نہیں لیتے، بھارت نے روس سے سستا تیل لے کر اپنے عوام کو ریلیف فراہم کیا ہے۔ انہوں نے کہا کہ نااہل حکمرانوں نے عوام کو مہنگائی کی چکی میں پسنے کیلئے بے یار و مددگار چھوڑ دیا ہے۔ چودھری پرویزالٰہی نے کہا کہ عمران خان نے لانگ مارچ ختم نہیں کیا بلکہ صرف 6 روز کیلئے حکومت کو مہلت دی ہے، حکومت فوری طور پر گرفتار کارکنوں کو رہا کرے، اعلیٰ عدلیہ نے بھی گرفتار کارکنوں کی رہائی کا حکم دیا ہے۔ انہوں نے کہا کہ شہبازشریف اور حمزہ شہباز نے پورے ملک میں وحشت و درندگی کا جو کھیل کھیلا ہے اس پر پوری دنیا میں پاکستان کی بدنامی ہوئی ہے۔

Check Also

Women parliamentarians call on CM Ch Parvez Elahi

Lahore, October 04: Chief Minister Punjab Chaudhry Parvez Elahi has said the political role of …