Sunday , February 5 2023
Breaking News
Home / Featured / وزیراعلیٰ پرویزالٰہی نے سگیاں روڈ، شرقپور روڈ کی تعمیر و توسیع کے منصوبے کا افتتاح اور شاہدرہ ملٹی لیول فلائی اوور کی تعمیر کے منصوبے کا سنگ بنیاد رکھ دیا

وزیراعلیٰ پرویزالٰہی نے سگیاں روڈ، شرقپور روڈ کی تعمیر و توسیع کے منصوبے کا افتتاح اور شاہدرہ ملٹی لیول فلائی اوور کی تعمیر کے منصوبے کا سنگ بنیاد رکھ دیا

عمران خان نے بہترین حکمت عملی اپنائی، اب جنرل الیکشن ہوں گے، پی ٹی آئی کلین سویپ کرے گی: پرویزالٰہی
شریفوں کے سارے منصوبے دھرے رہ گئے، اب ان کو اپنی جان کے لالے پڑ ے ہیں، شہبازشریف نیند کی 15گولیا ں بھی کھا لے، اسے نیند نہیں آئیگی
شریفوں کی زبانیں باہر نکلی ہوئی ہیں، انہیں سمجھ نہیں آرہی کہ کرنا کیاہے، شہبازشریف ادھر ادھر بھاگ رہاہے، نوازشریف نے کہہ دیاہے کہ میں واپس نہیں آؤں گا
شہبازشریف کا م کرنے والا نہیں نکلابلکہ یہ لیٹ گیا ہے، شہبازشریف صرف مانگنے کے قابل رہ گیا ہے، کس منہ سے عوام کے پاس جائیں گے
عمران خان کو اللہ تعالیٰ صحت وتندرستی دے، ہر وقت عوام کی خدمت اور دین کے بارے میں سوچتے ہیں، عمران خان ایماندار ہیں، ان جیسا لیڈر کوئی نہیں
رانا ثناء اللہ مونچھیں لے کر پھرتا ہے، یہ 4دن اسمبلی بیٹھا رہااسے کچھ پتہ نہیں چلا کہ اسکے ساتھ کیاہوناہے، نوازشریف نے رانا ثناء اللہ کو جواب دہی کیلئے لندن بلا لیا
شریفوں نے رانا ثناء اللہ کو آم کھانے نہیں اسمبلی بھیجا، خاتم النبینؐ یونیورسٹی سمیت دین کے بہت سے کام کئے، 5ماہ میں 5سال جتنا کام کر کے دکھایا
سگیاں روڈ، شرقپور روڈ کی تعمیر و توسیع کے منصوبے پر 4 ارب 51 کروڑ روپے لاگت آئی، بیک وقت چار سڑکوں کی تعمیر وتوسیع کی گئی ہے
شاہدرہ ملٹی لیول فلائی اوورپراجیکٹ پر 8 ارب 90 کروڑ روپے لاگت آئے گی، یہ منصوبہ 10 ماہ کی مدت میں مکمل ہوگا: تقریب سے خطاب
لاہور 16جنوری: وزیراعلیٰ پنجاب چودھری پرویزالٰہی نے کہاہے کہ پی ٹی آئی اگلے الیکشن میں کلین سویپ کرے گی۔ اب جنرل الیکشن ہوں گے۔ عمران خان نے سیاسی لحاظ سے بہترین حکمت عملی تیار کی ہے اور اللہ تعالیٰ نے بھی عمران خان کی مدد کی ہے۔ گھر والوں کو بھی علم نہیں ہوسکا جس طرح اسمبلی تحلیل کی گئی ہے۔ شریفوں کے سارے منصوبے دھرے کے دھرے رہ گئے، اب ان کو اپنی جان کے لالے پڑ گئے ہیں۔ عمران خان کے سامنے ان کی سیاست زیرو ہوچکی ہے۔ شہبازشریف نیند کی 15گولیا ں بھی کھا لے، اب اسے نیند نہیں آئے گی۔ ہم نے تو اعتماد کا ووٹ لے لیاہے، اب ان کی باری ہے۔ شریفوں کی زبانیں باہر نکلی ہوئی ہیں، انہیں سمجھ نہیں آرہی کہ کرنا کیاہے۔ شہبازشریف ادھر ادھر بھاگ رہاہے۔ نوازشریف نے کہہ دیاہے کہ میں واپس نہیں آؤں گا، اب ن لیگ اور زیادہ نیچے چلی گئی ہے۔ شہبازشریف کا م کرنے والا نہیں نکلابلکہ یہ لیٹ گیا ہے۔ شہبازشریف صرف مانگنے کے قابل رہ گیا ہے۔ جب مانگنے جاتا ہے تو لوگ کہتے ہیں کہ پتہ کریں اس کے پاس واپسی کا ٹکٹ ہے یا نہیں۔ ن لیگ والے اب کس منہ سے عوام کے پاس جائیں گے۔ عوام نے ان سے 30برس کا حساب لیناہے۔ عمران خان کو اللہ تعالیٰ صحت وتندرستی دے، ہر وقت عوام کی خدمت اور دین کے بارے میں سوچتے ہیں۔ عمران خان ایمانداراور نیک ہیں، ان جیسا لیڈر کوئی نہیں۔ وہ آج سگیاں روڈ، شرقپورروڈ کی تعمیر و توسیع کے منصوبے کے افتتاح اور شاہدرہ میں ملٹی لیول گریڈ فلائی اوور کے سنگ بنیاد کی تقریب سے خطاب کر رہے تھے۔ وزیراعلیٰ نے کہاکہ وفاقی حکومت پنجاب میں سیلاب متاثرین کو ابھی تک فری کھاد اور بیج نہیں دے سکی۔ شریفوں نے 30سال حکومت کی لیکن عام آدمی کی بھلائی کا نہیں سوچا۔ رانا ثناء اللہ مونچھیں لے کر پھرتا ہے، یہ 4دن اسمبلی بیٹھا رہااسے کچھ پتہ نہیں چلا کہ اس کے ساتھ کیاہوناہے۔ اب نوازشریف نے رانا ثناء اللہ کو جواب دہی کیلئے لندن بلا لیا۔ شریفوں نے رانا ثناء اللہ کو آم کھانے نہیں اسمبلی بھیجا۔ انہوں نے کہاکہ ہم نے عام آدمی کیلئے کام کیا، پورے صوبے میں بے شمار پراجیکٹ نظر آئیں گے۔ کسانوں کو فری سولر پمپس دینے کا کام شروع کیا۔ لاہور میں داتا صاحب سے ائیر پورٹ تک انڈر گراؤنڈ بلیولائن چلائیں گے۔ ہم نے بے شمار نوکریاں دیں اور عام آدمی کی بہتری کے اقدامات کئے۔ ہر ڈویژن میں کینسر کے مریضوں کے علاج کیلئے جدید ترین مشینری مہیا کی جارہی ہے۔ ہیلتھ کارڈ پر کینسر کاعلاج کیاجائے گا۔ خاتم النبینؐ یونیورسٹی سمیت دین کے بہت سے کام کئے۔ 5ماہ میں 5سال جتنا کام کر کے دکھایا، جوں جو ں پیسے آتے گئے ہم عوام کیلئے لگاتے گئے۔ شاہدرہ ملٹی گریڈفلائی اوور بننے سے روڈا سمیت دیگر علاقوں میں آمدورفت آسان ہوگی۔ سگیاں روڈ کی بحالی سے شیخوپورہ کا سفر آسان ہوگا۔ لاہور میں 20ارب روپے کے ترقیاتی منصوبوں کاآغاز کیا۔ میاں اسلم اقبال اور حماد اظہر نے لاہو رکے منصوبو ں کیلئے کاوشیں کیں۔ قبل ازیں وزیراعلیٰ پنجاب چودھری پرویزالٰہی نے سگیاں روڈ، شرقپور روڈ کی تعمیر و توسیع کے منصوبے کاافتتاح کیا اور شاہدرہ ملٹی لیول فلائی اوور کی تعمیر کے منصوبے کا سنگ بنیاد رکھا۔ سگیاں روڈ، شرقپور روڈ کی تعمیر و توسیع کے منصوبے پر 4 ارب 51 کروڑ روپے لاگت آئی ہے۔ اس سٹیٹ آف دی آرٹ منصوبے سے بیک وقت چار سڑکوں کی تعمیر و مرمت اور بحالی کی گئی ہے۔ راوی پل سے پھول منڈی چوک تک سڑک بنائی گئی ہے۔ پھول منڈی چوک سے لاہور شیخوپورہ روڈ تک سڑک تعمیر کی گئی ہے۔ پھول منڈی چوک سے فیض پور انٹر چینج موٹر و ے ایم ٹو سڑک بنائی گئی ہے۔ پھول منڈی سے بیگم کوٹ تک بھی سڑک تعمیر کی گئی ہے۔ سگیاں روڈ پراجیکٹ کی تکمیل سے داخلی اور خارجی راستوں میں وسعت اور آسانی ہو گی۔ لاہور سے آنے جانے والے مسافروں اور مال بردار گاڑیوں کو سہولت ملے گی۔ فیض پور، پھول منڈی، شیخوپورہ، شاہدرہ، بیگم کوٹ، نین سکھ اور دیگر درجنوں گنجان آبادیو ں کے لاکھوں مکین مستفید ہوں گے۔ منصوبے سے قیمتی وقت اور ایندھن کی بچت ہوگی۔ شور، سموگ اور ماحولیاتی آلودگی میں کمی آئے گی۔ شاہدرہ ملٹی لیول فلائی اوورپراجیکٹ پر 8 ارب 90 کروڑ روپے لاگت آئے گی۔ یہ منصوبہ 10 ماہ کی مدت میں مکمل ہوگا۔ 27کنال اراضی پر تعمیر ہونے والا یہ ملٹی لیول فلائی اوور فن تعمیر میں اپنی مثال آپ ہوگا۔ شاہدرہ ملٹی لیول فلائی اوور کی تکمیل سے لاہور اسلام آباد جی ٹی روڈ پر سفر کرنے والے لاکھوں مسافر مستفید ہوں گے۔ شاہدرہ پرانا راوی، کوٹ عبدالمالک، کالاشاہ کاکو، رنگ روڈ کی گنجان آبادیوں کے لاکھوں مکینوں کو آمد و رفت میں بے پناہ سہولت ملے گی۔ شاہدرہ ملٹی لیول فلائی اوور منصوبے میں پید ل چلنے والے لوگوں کیلئے واک ویز اور پل بنائے جائیں گے۔ سروس روڈز بنیں گی اور نکاسی آب کا سسٹم بھی بنایا جائے گا۔ جی ٹی روڈتانیازی چوک راستے کیلئے 3، 3لین فلائی اوور بنے گا اور کوٹ عبدالمالک تا نیازی چوک 2لین فلائی اوور تعمیر ہوگا۔ وزیراعلیٰ چودھری پرویزالٰہی کودونوں منصوبوں کے بارے میں میاں اسلم اقبال اور ڈی جی ایل ڈی اے نے بریفنگ دی۔ میاں اسلم اقبال، حماداظہر، ابرار الحق، اصغر علی منڈا، سیکرٹری ہاؤسنگ، سیکرٹری تعمیرات و مواصلات، سیکرٹری اطلاعات، سی سی پی او لاہور، ڈی جی ایل ڈی اے، چیف ایگزیکٹو آفیسر انفراسٹرکچر ڈویلپمنٹ اتھارٹی پنجاب اور متعلقہ حکام بھی اس موقع پر موجود تھے۔

Check Also

Under nose of government terrorism is raising its head again, they are only worried about crushing opponents: Imran Khan

PDM and Shehbaz Sharif have nothing for providing relief to people, after incompetency, government also …